Gjithë Produktet
Serumi me vitaminë C aplikohet në lëkurë të pastër, para kremit hidratues, dhe në mëngjes mbyllet gjithmonë me krem dielli.
Më poshtë do të gjeni hapat e rutinës, si ta zgjidhni serumin sipas lëkurës dhe si ta ruani që të mos humbasë efektin.
Çfarë bën serumi me vitaminë C
Vitamina C në formën e saj të pastër quhet acid L-askorbik. Është antioksidant, pra e mbron lëkurën nga dëmtimet që shkaktojnë rrezet UV, tymi i duhanit dhe ajri i ndotur.
Me përdorim të rregullt, serumi me vitaminë C:
- ndriçon lëkurën e zbehtë dhe të lodhur
- zbeh njollat kafe dhe e bën tonin më të njëtrajtshëm
- nxit prodhimin e kolagjenit për një lëkurë më të fortë
- zbut rrudhat e imta
Shpesh vitamina C vjen bashkë me vitaminë E dhe acid ferulik. Vitamina E e forcon efektin mbrojtës, ndërsa acidi ferulik e fuqizon antioksidantin dhe e mban produktin të qëndrueshëm më gjatë.
Si përdoret serumi me vitaminë C
- Pastroni fytyrën. Serumi vendoset gjithmonë në lëkurë të pastër dhe të thatë. Në mbrëmje, nëse gjatë ditës keni përdorur krem dielli ose grim, fillojeni me pastrimin e dyfishtë.
- Vendosni tonerin, nëse e përdorni. Toneri vjen menjëherë pas larjes dhe para serumit. Mënyrën e përdorimit e kemi shpjeguar te toneri për fytyrën.
- Aplikoni 1–2 pompa ose 2–3 pika në fytyrë dhe qafë. Masazhojeni lehtë me majat e gishtave, nga mesi i fytyrës drejt skajeve.
- Prisni sa të përthithet plotësisht. Mos kaloni menjëherë te hapi tjetër.
- Vazhdoni me kremin hidratues. Nëse nuk e keni zgjedhur ende, shihni si të zgjidhni kremin hidratues sipas lëkurës.
- Në mëngjes, mbyllni me krem dielli SPF 30 ose më të lartë. Ky hap nuk anashkalohet kur përdorni vitaminë C. Si ta zgjidhni sipas lëkurës, e gjeni te kremi i diellit për fytyrën.
Disa serume kanë udhëzime të veçanta. 15% Vitamin C – Fresh Active Serum duhet aktivizuar vetëm një herë, para përdorimit të parë: shtypni fort pompën derisa të klikojë, tundeni të paktën 60 sekonda dhe lëreni të pushojë të paktën 6 orë. Pas kësaj përdoret si çdo serum tjetër.
Në mëngjes apo në mbrëmje?
Serumi me vitaminë C mund të përdoret në mëngjes, në mbrëmje ose në të dyja. Kushti i vetëm: kur e përdorni në mëngjes, mos harroni kremin e diellit.
Nëse përdorni retinol ose retinoide të forta, mos i aplikoni në të njëjtën kohë me vitaminën C, sepse kombinimi mund ta acarojë lëkurën.
Cilin serum me vitaminë C të zgjidhni
Përqindja tregon sa vitaminë C ka serumi. Për lëkurë të ndjeshme ka versione më të buta, ndërsa disa serume me përqindje më të lartë nuk rekomandohen për të.
Për lëkurë të ndjeshme
10% Vitamin C + E Ferulic Acid Serum është versioni më i butë i serumit 20% të Timeless dhe rekomandohet për të gjitha llojet e lëkurës, përfshirë edhe atë të ndjeshme.
Dr. Althea Vitamin C Boosting Serum e merr vitaminën C nga uji i Hippophae Rhamnoides (63%) dhe është më i butë se serumet standarde. Përmban edhe acid traneksamik për tonin e pabarabartë dhe tetë lloje acidi hialuronik.
Nëse keni lëkurë të ndjeshme, provojeni çdo serum të ri në një zonë të vogël para se ta përdorni në gjithë fytyrën.
Për lëkurë të dehidratuar
Hyaluronic Acid + Vitamin C Serum ka 5% vitaminë C, acid hialuronik dhe Matrixyl 3000. Është menduar për lëkurë të dehidratuar dhe pa jetë, dhe i përshtatet edhe lëkurës së yndyrshme e të ndjeshme.
Për lëkurë të zbehtë, njolla dhe rrudhat e para
20% Vitamin C + E Ferulic Acid Serum është doza më e lartë e Timeless, për lëkurë të zbehtë, pa jetë dhe të lodhur. Ndriçon, nxit kolagjenin dhe balancon tonin.
Stem Skincare Vitamin C 15% ka vitaminë E, acid ferulik, aloe vera dhe acid hialuronik. Është për të gjitha tipet e lëkurës dhe për çdo person mbi 20 vjeç.
Ascorbic C 15% ka 15% vitaminë C të pastër, 5% glutation dhe ekstrakt çaji jeshil. Nuk rekomandohet për lëkurë të ndjeshme.
Te Fresh Active Serum pluhuri aktiv mbahet i ndarë deri në aktivizim, kështu vitamina C nuk oksidohet para kohe. Përmban edhe 2% glutation.
Cosrx The Vitamin C 13% dhe Cosrx Vitamin C 23% kanë vitaminë E, acid hialuronik dhe alantoinë, që e qetëson lëkurën.
Si ruhet serumi me vitaminë C
Vitamina C e pastër është shumë e paqëndrueshme, prandaj serumet kanë afat të shkurtër pas hapjes dhe shumica ruhen në frigorifer.
| Serumi | Ku ruhet pas hapjes | Përdoreni brenda |
|---|---|---|
| Timeless 10% dhe 20% | Në frigorifer | 3–4 muajve |
| Cosrx 13% dhe 23% | Në frigorifer (3–10°C) | 2 muajve |
| Ascorbic C 15% | Në vend të freskët, nën 5°C | 3 muajve |
| Fresh Active 15% | Në frigorifer | 3 muajve nga aktivizimi |
| Stem Skincare 15% | Në vend të freskët dhe të errët | sipas paketimit |
Kontrolloni edhe ngjyrën. Një nuancë e verdhë e lehtë është normale te shumë serume. Nëse serumi merr ngjyrë portokalli të errët ose kafe, ose ndryshon erë, vitamina C ka shumë gjasa të jetë oksiduar dhe është më mirë ta zëvendësoni.
Pyetje të shpeshta
A mund ta përdor serumin me vitaminë C çdo ditë?
Po. Serumet me vitaminë C janë për përdorim të përditshëm, në mëngjes, në mbrëmje ose në të dyja.
Sa pika duhen për fytyrën?
Zakonisht mjaftojnë 1–2 pompa ose 2–3 pika për fytyrën dhe qafën. Disa serume, si Stem Skincare, rekomandojnë 3–5 pika.
A duhet krem dielli pas serumit me vitaminë C?
Po. Kur e përdorni në mëngjes, mbylleni rutinën me krem dielli SPF 30 ose më të lartë.
A ka serum me vitaminë C për lëkurë të ndjeshme?
Po. Serumi 10% i Timeless, Dr. Althea Vitamin C Boosting Serum dhe Hyaluronic Acid + Vitamin C Serum janë të përshtatshëm edhe për lëkurë të ndjeshme. Gjithsesi, provojeni fillimisht në një zonë të vogël.
Shikoni të gjitha produktet me vitaminë C. Nëse nuk jeni të sigurt cili serum i përshtatet lëkurës suaj, na shkruani në WhatsApp ose Instagram.
