Gjithë Produktet
Aknet në fytyrë nuk trajtohen të gjitha njësoj. Një pikë e zezë, një puçërr me qelb dhe një akne e dhimbshme nën lëkurë kanë nevojë për produkte të ndryshme. Nëse i trajtoni të gjitha me të njëjtin krem, rezultati vonon ose lëkura irritohet.
Më poshtë do të gjeni si t’i dalloni llojet e akneve, çfarë funksionon për secilin dhe si duket një rutinë e thjeshtë ditore.
Pse shfaqen aknet në fytyrë
Aknet shfaqen kur poret bllokohen nga yndyra e tepërt (sebumi) dhe qelizat e vdekura të lëkurës. Në poret e bllokuara zhvillohen bakteret dhe nis inflamacioni, që shfaqet si skuqje, ënjtje ose qelb.
Prandaj trajtimi ka tre qëllime: të kontrollojë yndyrën, të pastrojë poret dhe të qetësojë inflamacionin, pa e tharë lëkurën.
Llojet e akneve dhe si trajtohet secili
Pika të zeza dhe pore të bllokuara
Përbërësi kryesor këtu është acidi salicilik, sepse pastron brenda poreve. Zitclean është larës xhel me 1% acid salicilik dhe Azeloglicine, jo-komedogjen dhe pa parfum, që përdoret dy herë në ditë. Për më shumë produkte, shikoni kategorinë pika të zeza.
Akne aktive me qelb
Këto kanë nevojë për një trajtim lokal që i than shpejt. Dryzit është locion tharës me 5% kalaminë, 5% niacinamide dhe oksid zinku, që aplikohet vetëm mbi aknen me qelb.
Një alternativë janë copëzat Zitproof Spot, me hidrokoloid, acid salicilik dhe tea tree. Vendosen mbi puçrrën në lëkurë të pastër dhe lihen 6 deri në 8 orë. Përveç trajtimit, ju pengojnë ta prekni ose ta shtrydhni puçrrën.
Akne të brendshme nën lëkurë
Aknet e dhimbshme pa qelb nuk trajtohen me tharës. Për to Zitless përdor copëza me mikroshigjeta që treten në shtresat e para të lëkurës dhe çlirojnë acid hialuronik, niacinamide dhe acid salicilik. Lihen të paktën dy orë. Dryzit nuk përdoret për këto akne.
Shenjat dhe njollat pas akneve
Njollat që mbeten pasi aknja largohet trajtohen me eksfolim dhe retinoide. Postzit është serum me acid glikolik dhe salicilik që ndihmon kundër shenjave dhe yndyrës. Adapazit kombinon një retinoid kozmetik me Centella, për trajtimin e akneve dhe të shenjave. Retinoidet dhe acidet përdoren në mbrëmje dhe e bëjnë lëkurën më të ndjeshme ndaj diellit.
Për lëkurë të ndjeshme ose me skuqje, serumi me 10% acid azelaik i Nerds ndihmon kundër akneve dhe ndriçon tonin e lëkurës.
Rutina bazë për lëkurën me akne
Një rutinë e mirë kundër akneve ka katër hapa: pastrim, trajtim, hidratim dhe mbrojtje nga dielli.
Në mëngjes:
- Pastroni fytyrën me Zitclean.
- Nëse përdorni serum në mëngjes, zgjidhni një të butë, si Niacinamide 10% + Zinc 1%. Acidet dhe retinoidet lërini për mbrëmje.
- Hidratoni me një krem të lehtë dhe jo-komedogjen, si Zitcalm Cream.
- Vendosni Zitcontrol SPF50, krem dielli pa vaj që njëkohësisht trajton aknet me zink, niacinamide dhe acid salicilik.
Në mbrëmje:
- Bëni pastrimin e dyfishtë për të larguar plotësisht SPF-në.
- Aplikoni trajtimin për llojin e akneve tuaja.
- Hidratoni. Nëse lëkura skuqet ose thahet, Zitcalm Cream qetëson skuqjen dhe riparon barrierën e lëkurës. Nëse irritimi vazhdon, përdoreni trajtimin më rrallë.
Gabimet që i përkeqësojnë aknet
- Shtrydhja e puçrrave. Inflamacioni shtyhet më thellë dhe rritet rreziku për shenja.
- Heqja e hidratuesit. Trajtimet kundër akneve e thajnë lëkurën dhe pa hidratim ajo irritohet. Zgjidhni hidratues të lehtë, jo-komedogjen.
- Shumë produkte aktive njëherësh. Kombinimi i disa acideve dhe retinoideve në të njëjtën mbrëmje e irriton lëkurën.
- Pa krem dielli. Acidet dhe retinoidet e bëjnë lëkurën më të ndjeshme ndaj diellit, ndaj SPF-ja është e detyrueshme çdo mëngjes.
Kur duhet të shkoni te dermatologu
Nëse aknet në fytyrë janë të mëdha, të dhimbshme dhe të thella, lënë shenja ose nuk përmirësohen pas disa muajsh me rutinë të rregullt, konsultohuni me një dermatolog. Disa raste kanë nevojë për trajtim mjekësor që nuk zëvendësohet me produkte kozmetike.
Nëse jeni shtatzënë ose ushqeni me gji, pyesni mjekun para se të përdorni retinoide ose trajtime të forta me acide.
Pyetje të shpeshta
A duhet të përdor hidratues nëse kam akne?
Po. Zgjidhni një hidratues të lehtë dhe jo-komedogjen, sidomos gjatë trajtimeve që e thajnë lëkurën.
A mund të përdor krem dielli kur kam akne?
Po, dhe duhet. Zgjidhni krem dielli pa vaj dhe jo-komedogjen, si Zitcontrol SPF50.
A mund ta trajtoj një akne me qelb dhe një nën lëkurë me të njëjtin produkt?
Jo. Aknja me qelb ka nevojë për trajtim tharës, ndërsa ajo nën lëkurë për trajtim që vepron në thellësi.
Nuk jeni të sigurt cili lloj akneje keni? Shikoni të gjitha produktet për lëkurën me akne ose na shkruani në WhatsApp dhe Instagram për një rutinë të personalizuar.
